Isa 9 | ZomZIV | STEP | Ahi ta zongin lungdonna sunga a ommite adingin lungkiat nading a om kei hi. A beisa hunin amah in Zebulun gam le Naphtali gam, a niamkhiat hangin mailam hunah Jordan dunga om tuipi zuatna lampi gei-a Gentile-te tenna Galilee ah a pahtawi ding hi-

Isaiah 9

Naungek Khat Hong Suak

1 Ahi ta zongin lungdonna sunga a ommite adingin lungkiat nading a om kei hi. A beisa hunin amah in Zebulun gam le Naphtali gam, a niamkhiat hangin mailam hunah Jordan dunga om tuipi zuatna lampi gei-a Gentile-te tenna Galilee ah a pahtawi ding hi- ^a

2 Khuamial sunga lampai mite in, ^b
khuavak lianpi a mu zo uh hi;
sihna ^{▼▼9.2 Ahikeh khuamialna gam} liim guam sunga teng mite tungah
khuavak tang khin ta hi. ^d
3 Tua minam na khangsaka,
a lungdamna uh na khangsak hi;
anlak cianga mite a lungdam bang le
van kisutte a kihawm cianga
a lungdam bangin
na mai-ah mite a lungdam uh hi.
4 Bang hang hiam cih leh Midian-te
a kizawh ni-a bangin ^e
nangmah in amaute vangik puakna hakkol
le a liangko-ua kikham singzawl, ^f
amaute a kinetniamna ciangkhut na nuaizansak hi. ^g
5 Galkap hangte in gal sunga a zat uh khedapte le
sisan a bang niaunuau puansilh khempeuh
hal dingin kikoih dinga,
mei in a kicih ding hi.
6 Ahang in, eite tungah naungek khat hong suaka, ^h
tapa khat hong kipia hi; ⁱ
a liangko tungah ukna a tuang ding hi. ^j
Tua hi-a, amah
Lamdang Thulakpa, ^{▼▼9.6 Ahikeh Lamdang, Thulakpa} Thahat Pasian, ^l
Tawntung Pa, Lemna Kumpi, kici ding hi. ^m
7 Ama ukna le kilemna khangin
bei hun a nei kei ding hi. ⁿ
Amah in David tokhom luah dinga,
tua huna kipan a tawntungin
thumaan le thutang tawh ^o
a gam phutin
a lenkip ding hi.
Thahatpen TOPA deihluatna in
hih thu a tangcingsak ding hi. ^p

Israel Tunga TOPA’ Hehna

8 Topa in Jacob langah thukhat puak a,
tua thu Israel tungah a tu ding hi.
9 Mite khempeuh
Ephraim le Samaria a tengte khempeuh
kiphasak uh a, ^q
amaute lungsim ah ki-uangsakin,
10 “Leisekte a kicip khit hangin
suangsuih tawh i lam ding hi;
thei-singte a puk khit hangin
tamtaakin i khek ding hi,” a cite in a thei ding uh hi. ^r
11 Ahi hangin TOPA in Rezin’ galte amau langkhatah thakhauhsakin ^s
amau tungah a hahkatsak teitei hi.
12 Nisuahna pan Aram mite le nitumna pan Philistia-te
kamka-in Israel-te a nawmvalh uh hi. ^t
Hihzahta hi khin napi a hehna dai tuan loin
a khut liik lai hi.
13 Ahi hangin amaute a satpa lam nga tuan lo uh a, ^u
Thahatpen TOPA a zong tuan kei uh hi. ^v
14 Tua ahi ciangin TOPA in ni khat sungin Israel pan a lu le a mei -
nisuh hiang le pumpengte a bantan khawm ding hi; ^w
15 a upate le a zahtak baangte a lutang hi-a, ^x
zuauthu a hilh kamsangte a mei ahi hi. ^y
16 Hih mite a lamlakte un lam khialhpih uh a, ^z
a mapite un a gammangsak uh hi. ^aa
17 Tua ahi ciangin khangnote tungah Topa lungkim lo dinga, ^ab
pa nei lote le meigongte a hehpih tuan kei ding hi;
ahang in, mi khempeuh in pasian nei loin gilo uh a, ^ac
kam khauh vive a pau uh hi.
Hizahta hi khin napi a hehna dai tuan loin
a khut liikto lailai hi.
18 Gitlohna mei bangin kuang takpi a, ^ad
lingte le thanglingte hultumin
tulak gam phapi lawh a, ^ae
tunglam ah meikhu lompi-in a kizial to hi.
19 Thahatpen TOPA thangpaihna hangin ^af
leitung kangzul dinga
mite mei-a cih ding sing suakin ^ag
kuamah in a sanggampa a hawi kei ding hi. ^ah
20 A taklama omte a valh uh hangin
a gil uh kial lai-a, ^ai
a veilama omte a nek uh hangin ^aj
a kham zo kei uh hi.
Mite, amau suan-le-khakte ^{▼▼9.20 Ahikeh ban}-in a kivak ding uh hi.
21 Ephraim-in Manasseh kivak dinga,
Manasseh-in Ephraim a kivak ding hi;
amaute in Judah a langpan khawm ding uh hi. ^al
Hizahta hi khin napi a hehna dai tuan loin a khut liikto lailai hi.